Bouncer es una aplicacion que vos ajuda a causir la zòna de proteccion corrècta per las connexions sens fil. Quand vos connectatz a una ret novèla, una fenèstra s'obrís en vos demandant quin tipe de ret es (per exemple, domicili, public, trabalh). Quand causissètz lo tipe de ret, es associat a aquela ret e automaticament utilizat a l'avenir.

NetworkManager e firewalld son requesits. Se los utilizatz pas, podètz pas utilizar Bouncer. Fedora utiliza los dos per defaut. Poiriá arribar que siá pas lo cas de las autras distribucions.

Cal realizar una configuracion suplementària après l'installacion. Vejatz la seccion correspondenta per vòstra distribucion. Un còp la configuracion acabada, lançatz Bouncer manualament per activar l’aviada automatica. Après aquò, se lançarà automaticament quand vos connectatz.

Fedora

1. Per Fedora, tot fonciona plan ! Remembratz-vos solament de lançar Bouncer manualament un còp per activar l’aviada automatica. Deuriatz veire una notificacion que vos indica que lo sistèma es configurat corrèctament per Bouncer.

Ubuntu

1. Desinstallar ufw : <code>sudo apt remove ufw</code>
2. Installar firewalld : <code> sudo apt install firewalld</code>
3. Per defaut, polkit es configurat per daissar pas los utilizaires costumièrs definir la zòna per una connexion. Lo biais mai simple de cambiar aquò es d'ajustar los utilizaires al grop <code>netdev</code> (per exemple <code>usermod -a -G netdev justin</code>). Autrament, podètz crear una règla polkit personalizaa per l'accion <code>org.freedesktop.NetworkManager.settings.modify.system</code> (cossí crear de règlas polkit personalizas es al delà de l'objècte d'aqueste document e es daissat coma exercici al lector).
4. Aviatz Bouncer manualament un còp per activar l'aviada automatica. Deuriatz veire una notificacion qu'indica que lo sistèma es configurat corrèctament per Bouncer.

Debian

1. Installar firewalld : <code> sudo apt install firewalld</code>
2. Per defaut, polkit es configurat per daissar pas los utilizaires costumièrs definir la zòna per una connexion. Lo biais mai simple de cambiar aquò es d'ajustar los utilizaires al grop <code>netdev</code> (per exemple <code>usermod -a -G netdev justin</code>). Autrament, podètz crear una règla polkit personalizaa per l'accion <code>org.freedesktop.NetworkManager.settings.modify.system</code> (cossí crear de règlas polkit personalizas es al delà de l'objècte d'aqueste document e es daissat coma exercici al lector).
3. Aviatz Bouncer manualament un còp per activar l'aviada automatica. Deuriatz veire una notificacion qu'indica que lo sistèma es configurat corrèctament per Bouncer.