Kronometer é unha aplicación para cronometrar. Goza de accións básicas de cronometraxe (deter, continuar, reiniciar, voltas), e permite gardar tempos para continualos máis adiante. Kronometer é parte do módulo de ferramentas da colección Extragear de KDE.

Funcionalidades:

• Permite iniciar, deter e continuar o trebello de cronómetro.
• Captura de voltas: permite capturar o tempo do cronómetro en calquera momento.
• Ordenación dos tempos de voltas: permite atopar facilmente os tempos de volta máis curtos ou máis longos.
• Permite reiniciar o trebello de cronómetro e os tempos de voltas.
• Configuración do formato de tempo: permite escoller o nivel de detalle do tempo do cronómetro.
• Gardar e cargar tempos: permite gardar o estado do cronómetro e continualo máis adiante.
• Personalización da fonte: pode escoller a fonte que queira para os díxitos do cronómetro
• Personalización das cores: pode escoller as cores que queira para os díxitos e o fondo do cronómetro.
• Exportar os tempos de voltas: permítelle exportar os tempos de voltas a un ficheiro en formato JSON ou CSV.