Pri Flathub

Flathub estas la loko por akiri kaj distribui programojn por ĉiaj Linux-distribuaĵoj. Ĝin funkciigas Flatpak, permesante al Flathub-aplikoj ruliĝi sur preskaŭ ajna Linux-distribuaĵo.

Uzu Flathub por ĝui kreskantan kolekton da Flatpak-programoj sekvante la instrukciojn por agordado.

Submeti programojn

Aŭtoroj de programoj povas submeti siajn programojn por distribuo al la kreskanta uzantaro de Flathub, tiel atingante la tutan ekosistemon de Linux.

Nuntempe, programoj devas aŭ esti laŭleĝe redistribueblaj aŭ disponeblaj per triapartia elŝuto. Tamen, se vi aŭtoris proprietan programon kaj interesiĝas uzi Flathub, ni ŝatus paroli kun vi.

Konfirmitaj programoj

Kion signifas la marko sub nomo de programo?

Kelkaj programoj havas konfirmomarkon sur la paĝo pri la programo sub la nomo de la programisto. Tio signifas, ke la programo estas ĉe Flathub eldonita de ĝia originala programisto aŭ aliulo aprobita de la programisto.

Kelkaj programoj estas eldonitaj de uloj ne aprobitaj de la origina programisto. Tio estas permesata, sed tiaj programoj ne rajtas ricevi la konfirmomarkon.

Apud la konfirmomarko estas ligo al la programista retejo aŭ konto ĉe fontkoda deponejo. Flathub konfirmis la identecon de la programisto per tiu ligo.

Mi eldonis programon ĉe Flathub. Kiel mi igu ĝin konfirmita?

Unue, salutu al Flathub. Trovu la butonon «Portalo por programistoj» ĉe la malsupro de la paĝo. Alklaku tiun programon, kiun vi volas igi konfirmita. Poste trovu la paragrafon «Konfirmado». La tieaj instrukcioj gvidos vin tra la konfirma procedo.

Raporti problemojn

Problemojn pri sekureco aŭ juro raportu al la prizorgantoj de Flathub.

Informoj por la gazetaro

Ni feliĉe respondos al demandoj de ĵurnalistoj kaj teknikaj verkistoj. Ni povas ankaŭ plani intervjuojn.

Grafikaĵoj kaj emblemoj

Grafikaĵoj pri Flathub troviĝas ĉi tie.

Kontakto

Bonvolu direkti gazetarajn petojn, ekzemple petojn por komentoj kaj intervjuoj, al la administristoj de Flathub.

Dankoj

Flathub ne eblus sen la malavara subteno de la jenaj organizaĵoj kaj homoj.

Codethink
Cloud Native Computing Foundation
Fastly
Mythic Beasts
Prerender.io
Scaleway

Alex Larsson
Andreas Nilsson
Arun Raghavan
Bartłomiej Piotrowski
Christian Hergert
Christopher Halse Rogers
Cosimo Cecchi
Emmanuele Bassi
G Stavracas Neto
Jakub Steiner
James Shubin
Joaquim Rocha
Jorge García Oncins
Lubomír Sedlář
Nathan Dyer
Nick Richards
Mario Sanchez Prada
Matthias Clasen
Michael Doherty
Robert McQueen
Zach Oglesby